================================================
================================================
'காணாமல் போய்மவிடுமா?' கூடங்குளம்: திருநெல்வேலி மாவட்டம், கூடங்குளம் என்ற பெயர் இந்த வருட கடைசியில் அகில உலக பெயரெடுத்தது.
அணு உலைகள் வேண்டாம் என்று போராடினர் அந்த பகுதி மக்கள். பல்வேறு குழுக்கள், விஞ்ஞானிகள் என்று எதற்கும் அசைந்து கொடுக்கவில்லை. போதாதற்கு, தமிழக முதல்வரும் போராட்டக்காரர்களின் பக்கம் நின்றதால், பிரதமருக்கும், முதல்வருக்கும் இடையே நடந்த மோதலாக மாறிவிட்டது.அப்துல் கலாம் வந்து சொன்னப் பிறகும் போராட்டக்காரர்கள் அதை ஏற்கவில்லை (கலாமின் யோசனையை தமிழக அரசும் சரியாக பயன்படுத்தவில்லை). ஏற்கனவே பல மணி நேர மின்வெட்டால், தமிழகம் தத்தளித்துக் கொண்டிருக்கும் நேரத்தில், இந்த போராட்டம் தேவைதானா?================================================
'முடிவுக்கு வராத' முல்லைப் பெரியாறு: தமிழகமும், கேரளமும் இந்த வருட இறுதியில் பல்த்த யுத்த களமாக மாறின.ஒரு அணை இந்தியாவிலுள்ள இரு மாநிலங்களுக்கிடையே பெரிய பிரச்னையாக மாறிய பொழுது அனைவர் மனதிலும் தோன்றிய கேள்வி, 'இறையான்மை என்பது இந்தியாவில் இருக்கிறதா?'.இரு மாநில பேரவைகளிலும் சிறப்புக் கூட்டம்,பிரதமர் இரு மாநிலங்களுக்கும் அறிவுரை கூறுதல் என்று நாட்கள் சென்றன். மக்கள், அரசியல் கட்சிகள் போராட்டத்தில் குதித்தன, மீடியாக்களுக்கு நல்ல தீனி கிடைத்தது. அதிகம் பாதிக்கப்பட்டது, தமிழகத்திலிருந்து சபிரிமலைக்கு சென்ற ஐயப்ப பக்தர்கள் தான். பின்னர்,உச்ச நீதிமன்றம் இரு மாநிலங்களுக்கும் குட்டு வைத்து அமைதி காக்க சொன்னது (முல்லைப் பெரியாறு விஷியித்தில் பிரச்னை ஏற்பட உச்ச நீதிமன்றமே காரணம் என்பது என் கருத்து)================================================
ஒரேயடியாக' ஜெ. ஏற்றிய விலை: தமிழக அரசு ஒரே நாளில், பேருந்து கட்டணம், பால் விலை ஏற்றியது. 2012-லிருந்து, 'மின்சாரமே இல்லாத
தமிழகத்தில்' மின்சார விலையும் ஏறப்போகிறது. இதை சற்றும் எதிர்பார்க்காத பொதுமக்கள், தமிழக அரசை வசை மாறி பொழிந்தனர். இன்று வரை பேருந்துகளில் என்ன விலை என்று பொதுமக்களுக்கு சரியாகவே தெரியவில்லை (LSS, Deluxe, Ultra Deluxe, M Service, Green Board, Yellow Board, Special Bus, Summer Special, Cricket Special, Exhibition Special, Ordinary Bus- என்று பல விததைகளில் பேருந்துகள் இயங்குகின்றன). மத்திய அரசு தரவில்லை என்றும், முந்தைய கருணாநிதியின் நிர்வாக சீர்கேடுமே இதற்கு காரணம் என்று கூறினார் ஜெ. மத்திய அரசு தரவில்லை என்றால், மம்தா, மாயாவதி மாதிரி போராடி பெறவேண்டுமே தவிர, இப்படி மக்கள் மேல் சுமையை ஏற்றிருக்ககூடாது. கருணாநிதி சரியிலலை என்றுதானே மக்கள் இவரை தேர்ந்தெடுத்தனர், பிறகும் அவரையே குறை சொல்வதில் என்ன அர்த்தம் என்று தான் புரியவில்லை.================================================
'பதறவைத்த' பரமக்குடி: பரமக்குடியில் ஏற்பட்ட ஜாதிகலவரம் மிகவும் கண்டிக்கத்தக்கது, அதற்கு போலீஸ் துப்பாக்கி சூடு நடத்தியது அதை விட வன்முறையான செயல். 7 பேர் பலியானது, விசாரனை கமிஷன் அமைத்தல், உயிர் இழந்தவர்களின் குடும்பங்களுக்கு இழப்பீடு, உயர் நீதிமன்றத்தில் முறையீடு, CBI-க்கு விசாரனை மாற்றம் என்று போகிறது இந்த கலவரத்தின் பாதை.================================================
நிற்க விடாமல் துரத்தும் நில அபகரிப்பு வழுக்குகள்: அ.இ.அ.தி.மு.க. ஆட்சிக்கு வந்த பிறகு, முதலில் திகில் அடையவைத்தது, நில அபகரிப்பு வழக்குகள் தான். தி.மு.க.வின் முன்னனி தலைவர்கள் எல்லோரும் சிறையில் தள்ளப்பட்டனர். வீரபாண்டி ஆறுமுகம் முதல் 'நாயகன்' ரித்தீஷ் வரை எல்லோரும் சிறைக்குள் சென்றனர். இப்பொழுது உச்சக்கட்டத்தில் இருப்பது ஸ்டாலின் மீதுள்ள வழக்கு.ஆனால் வழக்குகள், அவ்வளவு வளுவானதாக இல்லாததால், கைது செய்யப்பட்ட அனைவருமே விடுதலையாகினர்.================================================
'அஸ்தமிக்கும்' சன்: தமிழக அரசின் அரசு கேபிள் திட்டத்தினால், பெரிதும் பாதிக்கப்பட்டது சன் டி.வி. முழுமம் தான். அவர்களின் ஆக்ஸிஜினையே கைவைத்ததால், அவர்கள் மிகவும் சிரமம் பட்டனர். எந்த மசோதா வரக்கூடாது என்று மாறன் சகோதரர்கள், கருணாநிதியுடன் ஆளுநரை சந்தித்தார்களோ, அந்த மசோதா இன்று வந்தேவிட்டது. போதாதற்கு, ஸ்பெக்ட்ரம் வேறே அப்ப அப்ப பூச்சாண்டி காட்டுகிறது.மாறன்-கள் கைது செய்யப்படுவார்கள் என்றும், கைதாகமாட்டார்கள் என்றும் விவாதங்கள் தொடர்ந்து நடைபெற்றுவருகிறது.================================================
================================================
================================================
================================================
No comments:
Post a Comment